約道柒號劇場（六）典禮

（刊於《反黑報》第九至廿期合輯，2012年11月15日）
「咁難得你俾面黎我地學校做嘉賓，我特登叫曬班學生黎歡迎你加！」大龜陪住唐唐走進那間他冠名贊助的學校，只見學生們手持花束、拉著紅底黃字橫額夾道歡迎，大有「支那style」的味道，只欠句古天樂腔的「熱烈歡迎」而已。
「啊！你好搞唔搞，學埋曬D強國野，搞埋啲咁嘅馬騮戲，你估依加『喜迎十八大』啊？當我係大陸個班貪官咩！」唐唐靠向大龜耳語不滿，雖然他心裡還是在暗爽。心情大好的他，說完後便向學生們露出那副有點像金魚佬的笑容，接過花束，向獻花的女學生問好：「小妹妹，你今年中幾啊？」「中四！」「咁你食左飯未啊？」面對唐唐慣常的無厘頭問題，女學生一時反應不及，只結結巴巴地說：「我……我食左啦唐先生！」
身旁大龜拉一拉唐唐說：「黎黎黎，我地不如先去禮堂個邊坐下好唔好呢？」待唐唐向女學生道別、兩人走開一旁後，大龜便略帶抱怨說：「真係你啊，咪鬼搞啲學生妹啦！」

到了禮堂後，兩人坐在嘉賓席上，唐唐開口道：「大龜，唔洗咁緊張喎，我都係同個妹妹仔講下笑姐！」他一臉不在乎的樣子說：「以前做官就要成日去埋曬啲咩鬼典禮姐，坐足幾個鐘去睇個班濕鳩大學生畢業，屌！真係悶撚到我啊！重有個次係中大攞個榮譽博士，班學生又話要抗議哩樣個樣，真係好讀唔讀，讀埋曬Ｄ屎片！好彩有得睇下班後生女，嘩！真係十八廿二青春無敵，不過個個都著曬畢業袍，咩身材都睇唔到，都係爭咁啲。不過咁，依加『無官一身輕』，我坐係地牢嘆番杯90年嘅Mouton Rothschild、聽下Mozart咪重過癮！拿，今次見係你炸大龜，一陣完左典禮，點都要帶我參觀下你間學校！」
「學校就當然會帶你去慢慢睇，妹妹仔就唔好搞我地呢度啦！不過你都有眼見加，我啲學生不知幾愛國愛港，唔會話好似『學民思潮』個班0靚仔咁，佔領政府總部作曬反咁，不過個陣隻鷹就唔荒唔狼啦！」
「即係咩姐？講啲唔講啲！」唐唐急問。
「咁你都唔知？狼狽個狼啊啊嘛！」大龜懶醒道。「話時話，聽聞遲啲隻鷹會去個間咩鬼大學主禮……」
「哦！嶺南啊，學個隻咁嘅『左耳陳』話齋，哩間直情係『港獨』集中營，除左個班搞咩鬼研究嘅教授，次次都寫埋啲爛鬼文章插政府，重有個個咩陳雲呢，當正自己係教主，成日話香港要自治喎，係度指點江山。你睇下尖沙咀、銅鑼灣個班法輪功啊，成日話『天滅中共』，又咪係得個講字！點之阿爺連咁都唔高興，隻鷹呢排都唔知落多左幾多層鞋油！計我話呢，最好叫誠哥好似日本咁，成個香港買起佢，我地就有錢繼續搵啦！」
「係喎！佢好似以前重係人地校董黎，不過依加隻鷹都衰到貼地，去到俾成班學生嘈兩嘈，睇佢個款又咪係黑起塊面！再唔係咪訓話個時死淨把口，加多兩句咩『閉關鎖港』、『蹉跎歲月』！挑！」大龜不屑說道。
「哎啊！一諗起隻鷹板起副面，黑過黑鮑咁，睇見就想開香檳！」唐唐更『啵』的一聲扮起開香檳來，繼續揶揄：「佢成日以為度度都係佢主場，最後又咪連自己屋企隻Hello Kitty都唔到佢話事！聽聞佢依排坐正禮賓府喎，唉！以前煲呔養埋養埋個啲錦鯉，實俾佢攞黎出氣玩鳩死曬！」

「算吧啦，佢隻馬仔啊『淋糞強』呢，依排搞到一鑊粥，但係又死唔斷氣，又話休假喎，唉真係攞著數都唔唔好咁啊，做壞曬規矩，真係『鄧』個時阿松唔抵啊！」接著大龜好奇問：「你估下到時班靚仔有咩招呼隻鷹啊啦？」
「我醒起啦！之前林公公咪俾人掟狗餅嘅，你知啦班後生仔咩都夠膽死嘛，唔方到時有人整盤屎水，一下淋落個隻鷹度，嘩真係到時唔方唔『淋糞強』囉！真係臭到全港九新界都知啊！」唐唐更舉起食指搖兩搖，笑吟吟地說：「拿！有先例可循加，冇得佢抵賴啊！」
「拿我同你講，呢層就一定唔會啦！點解呢？就算到時真係有人向佢淋屎，坐係旁邊個位啊梁門唐氏，一定會第一時間奮不顧身咁撲出黎同隻鷹擋左去，重要擋完之後即刻問隻鷹有冇事喎！啊，呢啲先係我地香江第一夫人嘛，無論唐營梁營，香港人嘅太太都係咁型！」大龜舉起手指公：「拿！都係有先例可循加！」
「啊，仆你個街啊大龜，又係度串鳩我！不過總之計我話齋，一日隻鷹重係度，一日都有好戲睇，我地入定啲花生期貨就差唔多啦！」
「Henry，我保證哩度一定唔會有人淋你糞嘅，哈哈！上台啦上台啦……」大龜抓著唐唐的膊頭說，好像當日落選時唐唐淚灑會展，大龜還是這樣安慰著那個哭了的Henry一樣。　

約道柒號劇場（五）阿松

某公司的周年酒會中，冠蓋雲集。
「唐生！好耐冇見，哩排又係春風滿面喎！」阿松碰到他那位「腳頭好」的繼任人，不忘上前聊天。
「喂，阿松，好少見你黎酒會喎，仔細老婆嫩，唔洗番去陪佢地咩？」兩杯落肚的唐唐今晚滿場飛，語帶譏諷向阿松說。
「唉啊，咪就係要陪佢地先少去應酬囉！鬼叫哩間公司係我地大客，點都要俾下面掛！」一提起插水皇后，阿松臉色即刻變成恆指插水二千點咁嘅樣。
「嘩，一提老婆姐，你洗唔洗怕成咁啊？」唐唐不免又抽水一番：「不過哩，屋企有個咁靚嘅老婆，夜晚有得『躝』番上張床到，怕下有咩所謂姐！」
「咁又係，老婆係攞黎錫嘅，怕下佢，都係情趣黎嘅！」經唐唐點化，阿松心中的恆指又升番三千點。
「你估好似啊思歪咩屌，先個排佢先係班台灣佬面前話喎，『香港人繼續怕老婆，繼續唔怕政府』，自己怕老婆呢，就唔好以為全香港人都陪佢怕，睇佢老婆兇神惡煞咁，僭建單野隻鷹重擺佢老婆上台喎，佢梗係晚晚跪玻璃跪到矇左頂啦。」提起隻鷹，唐唐又氣又好笑。
「佢又邊似得你個『輸錢』老婆咁好『相與』啊！」又到阿松抽番唐唐水：「又同啊胡仔去『課外活動』，你真係香港男人典範囉！」
「論好『相與』又點及你老婆啊，唔係你邊度可以精力旺盛、你老婆生完又生啊！」唐唐連消帶抽，真箇風流公子，又說：「你有冇睇前排沉船單野，係醫院呢，隻鷹企係李剛一邊，都唔止係『我爸是李剛』！」唐唐還特別扮著祖國的「富二代」，用普通話說著，殊不知他其實自己也是。
「咁係咩呢？」阿松問。
此時，他放下紅酒杯，雙臂做出交叉手勢，扮著『學民思潮』的樣子：「你估唔係班細路『日以繼夜、夜以繼日』，晚晚係政總出面個度叫『撤、撤、撤！』，全個香港日日成幾萬幾萬人叫佢『切』喎，幾壯觀啊！依加佢咪搞到成個太監，咁企係『主子』身邊侍奉囉！你睇下，依加連國教都話『撤』啦，政府咩威信啊、咩雄風啊都無曬，食幾多『偉哥』、派幾多糖都冇撚用啦，係咪先！」
「啊屌，真係虧你諗得出啦！」阿松不禁拍案叫絕。
「依加諗番我都『登』你唔抵啊阿松仔。個隻劏房波明明飲大左兩杯，都話自己無醉駕，厚著面皮繼續做局長，唔似得你面皮薄，都係想早啲買架保母車姐抵啲姐，班報紙佬又哩又路，班犯民又嘈嘈閉啦……」
聽到此時，阿松不禁氣頂，插話道：「唉！我唔似得佢地咁無恥嘛！明明飲左兩杯又話自己符合法例要求冇醉駕，屌！你話係咪無恥過民記啊！
唐唐此時好言安慰道：「算啦，入得政府都唔好得去邊，我地兩個依加無官一身輕，黎黎黎！」又倒了滿滿一杯82年lafite遞給阿松：「今晚飲多兩杯，睇隻鷹上任百日之後點樣繼續仆街，我地同佢做定做頭七都似啦！勝嘅！」

約道柒號劇場（四）Toro

「本來今日我就想去沙田睇下隻『超奇妙』，不過你叫到飲番兩杯啦，點都上黎柒號嘅！話時話啦，黎到有咩好野『益』我先？」唐唐好友大龜問。
「哩排成日上電視個條日本廚房佬，話前兩日由築地運左條上等嘅藍鰭吞拿魚黎，我就特登叫佢留番幾份Toro，有好野唔係唔『益』兄弟嘛？」唐唐搭一搭大龜膊頭，就好似當日唐唐淚灑點票中心時，大龜做佢背後的男人一樣。
「喂，唐唐，依排大陸先至係度反日，依加係度嘆日本野，好似唔係咁好喎。」大龜一臉狐疑。
「Ｘ，呢度香港喎，洗咩擔心啊，黎黎黎，我近排入左幾支『夢正夢』嘅純米大吟釀，今日點都要飲飽食醉啦嘛！」唐唐雙手一擺，說：「反日？Who Fucking Cares！」


唐唐喝了幾杯Sake後，雙頰紅得像檯上那塊極品Toro。
「大龜，你睇唔睇到新聞，成班糞青好似暴民咁，又打劫又放火。」有點醉意的唐唐，不忘拉腔，扮那群示威者叫嚷：「重要係度叫『釣魚台是中國的！』，你知唔知點解會搞成咁？」
「大陸邊度有文化加？咪係班友仔成Ｘ日係度愛國愛國，咪得閒出下黎表達一下愛國情操囉！唔好搞到我係東莞個幾間紡織廠就得啦，哩排免得過都唔好番去啦！」大龜亦一臉不屑。
「你睇睇新聞，出黎示威個班，全部都係男嘅。大陸有樣野唔同香港，男多女少，你睇佢地個樣啊，就知係成班冇囡嘅死毒撚啦！你知唔知係大陸最出名嘅日本女星係邊個？」唐唐忽問。
「蒼井空！我都好鍾意加Ｘ！」大龜爽快答道。
「冇錯啦！大陸囡囡少嘛，班友咪冇得發洩囉。你問十個大陸後生仔，我同你講啊，有八個都係睇啊空姐大，睇得多自不然就想『精』服日本啦！日本仔一有咩事，個個咩Ｑ民族感情、家仇國恨上曬腦，我話呢成班就好似『谷精上腦』咁，精力過盛，一Ｄ咪係網上打飛機、一Ｄ咪係街度『打砸搶燒』囉！」唐唐一邊解釋，一邊大塊大塊的吃着肥美的Toro。
「Ｘ你又係喎，大陸個班咁嘅女星，又咪係俾班高官包左！大陸班窮鬼諗都唔好諗啊。空姐就唔同啦，要除就除，要幾放有幾放，難怪個個都睇AV睇到上曬腦！」大龜明明地咁答。
「你知唔知點解佢地成日叫『釣魚台』啊？我同係講，成日『釣魚台』、『釣魚台』，個『釣』字叫得要幾響有幾響，咁係咪High先？」
「啊，你係好野嘅，真係世事都俾你看透了！」大龜讚嘆唐唐9噏得之餘又合情合理，四處望望，問道：「喂喂，你老婆今日唔見左嘅？」
「佢琴日話帶左成百萬去東京掃貨喎！」唐唐偷笑了一下，說：「等我教你點樣征服日本啦，先學一句日文：『欲しいだろう？』」
「冇啦啦講咩GA文，點X解啊？」大龜又問。
唐唐沒有理會大龜，卻轉身打了一通電話，找Model公司的Richard：「Richard啊，我啊，唐唐啊！你叫幾個日本Model過黎我個到。大家咁熟，唔係唔俾面啊嘛？」「得！總之今晚七點喎，叫佢地準時D到，我預備左D上等Toro俾你班囡囡食，咁係咪唔話得先？」「好，到時見！」唐唐收線後，再答大龜說：「到時班GA妹黎左，你同佢講呢句先，到時你再自己參透下囉！」
他的臉上露出一個意味深長的笑容，大龜也忽然悟出了什麼似的，和唐唐相視而笑。

約道柒號劇場（三）香檳

「卜」的一聲，一團白色的泡沫與黃色的液體肆意流溢，落在地牢上精心從意大利訂造的實木地板上。手持酒瓶的唐唐，興奮地看着香檳四處飛瀉，似乎沒有制止的意思。
「老公～因咩事咁高興要開枝Krug嘅Clos D'Ambonnay1996年Champagne啊？唔係連你都同個班後生玩埋一份嘛？」唐太施施然從走進客廳，對唐唐的行徑亦見怪不怪。
「老婆啊，其實見到條哨牙仔仆街，你睇班後生出黎『熱烈慶祝』，一路叫『香港要贏、劉江華要輸』，不知幾頂癮！哩條三性家奴早走早著啦！」唐唐一付不屑的樣子，手持窄長的香檳酒杯，細意品味Champagne當中的陳釀果香。
「不過今次田公子佢地兩兄弟都入到去，民建聯又贏咁多席，更應該高興啊？」
「今時唔同往日嘛！以往你老公我係政府做官，咁當然係想班保皇生生性性，依加隻鷹做特首喎，當然係要睇住佢仆街啦！好在班泛民夠人反佢，同埋我地豉油……啊唔係……自由黨班朋友繼續『反英抗暴』！」唐唐說到高興時，高舉手中的酒杯，然後快快再喝一大口，滿嘴都是漏出的酒液。
「尋日班記者一見到老公你去投票姐，就即刻好似『烏蠅摟蜜糖』咁沖過黎！」唐太也喝了一口香檳。
「鬼叫你老公我啊，成日俾人叫『唐唐、唐唐』咁咩～」唐唐又來他這一套爛gag，不過佢個輸錢老婆總係會笑。唐唐又繼續說：「隻鷹哩本來就去唔成俄羅斯，係星期六出黎講兩句、小修小補之後個班學生哥就走左啦，依加立法會班保皇又贏，就以為好得戚，可以同啊爺交代喎！好在班學生蠢唔曬，繼續反佢，you know! The devil is in the details!我咁樣講一講姐，班報紙佬番到去又寫啦！上台兩個月就搞成咁，係唔係值得開香檳先？」
「不過呢，我前幾日見到啊林太淚流滿面咁，真係『鄧』佢可憐囉。」唐太替同是女人的林鄭抱不平。
「所以話哩隻鷹幾cheap啊！重唔只學我擺老婆上台，依加又搞到林太喊曬口咁，重俾D報紙佬話係『鱷魚淚』添！不過話時話，啊『好打得』呢本身又有舖官癮，遇著隻鷹冇人用，咪『姣婆遇著脂粉客』囉，唔怪得人嘅有時，只怪你跟著隻鷹啦！歌仔都有得唱啦，『茫茫然滿眼眼淚！是喜抑悲？什麼意義？什麼意義？』」唐唐又試飲大兩杯，繼續唱歌。

「唉啊，夠鐘去王太屋企打牌啦，Elsia，幫我叫老黃預備車出去，之後再過黎！」幾分鐘後，菲傭Elsia走進地牢，唐太便吩咐道：「你幫我將地下D Champagne拖乾淨！」再對唐唐說：「老公我走啦！」
唐唐見老婆走了後，獨自坐在地牢的真皮梳化拿著酒杯，看到Elsia正動手拖著地下，撩起的香檳，籠罩著一層揮之不去的酒氣。忽然，唐唐好像看到什麼，原來眼前的Elsia，她那副因勞動而得來的粗獷和健美的身形，在他的醉眼之下，好像發現了新大陸似的，有如一種未曾嘗試過的珍味。細汗下的臉頰與淺啡的皮膚，亦有種別樣的美感，於是他心生一念，放下酒杯，臉上又再次泛起邪笑……

希望越大，失望越大？──略談HKPO《李雲迪的柴可夫斯基》

以「而立」的歲數來說，現年三十歲的李雲迪現正是他鋼琴家生涯的黃金時代，可是2000年贏得蕭邦大賽冠軍、以注釋蕭邦聞名的李雲迪，似乎難以走出這個Comfort zone，不少樂評亦指他近年的演出有走下坡之勢（例外的便是那張頗受好評的Ravel G major和Prokofiev No.2）。今次來港排出「柴一」這首以力道和激情為主的曲目，似乎和李雲迪本身較為陰柔、細膩的彈奏風格有點格格不入（相對而說似乎更適合郎朗），這晚聽後亦不幸印證了這個想法。

「柴一」雖然有細膩抒情的部分，不過總體來說是俄式的濃烈激情，相對平淡的演繹底下，李雲迪在處理前者較為得心應手，鋼琴的歌唱性和音色變化亦有可取之處；一旦遇上快速的八度連奏時，李雲迪以極快的速度去彈奏一連串八度音，出來的音色浮泛不清、失卻厚重的感覺，雖然音量上在樂團齊奏時亦沒有被蓋住，但亦出現「欠缺厚重感」的情況。另外，不時的加速亦只是忽然而至，沒有漸快的層次和壓迫感，予人草草收場和突兀的印象，這缺點在第一樂章的獨奏片段猶其明顯，到第三樂章似乎有所收歛，但未能完全改善過來。下半場樂團的演奏亦只是不過不失，並沒有為整首協奏曲的演出而加分。即使樂曲完結後觀眾給予熱烈的掌聲，李雲迪亦多次出台謝幕，但並沒有加奏樂曲，也許他自己亦不滿意今晚的表現而不作加奏吧！

結合李雲迪台上演奏時的小動作和整晚的演出，亦突顯了他過份緊張、自信不足的問題（和郎朗那種自信過盛的形體動作相比，似乎是小巫見大巫）。但是李雲迪畢竟已在古典樂壇中已有一段日子，但在處理「柴一」這首對每個職業鋼琴家都是基本的「保留曲目」時，也顯出如此缺乏信心的演奏，同時搜尋一下資料，李雲迪之前已曾彈奏「柴一」，實在令人擔憂他之後的職業鋼琴家生涯。

不過，上半場香港管弦樂團由Vassily Sinaisky指揮Shostakovich的節慶序曲和第九交響曲，就沒有令樂迷失望，節慶序曲當中燦爛光輝的銅管樂，以及「第九」木管和弦樂的出色演奏，亦印證香港管弦樂團的實力。當中「第九」Sinaisky採用較慢的速度，不過指揮著意突顯蕭氏神經質的細節，令樂曲的諷刺意味更為強烈，玩味十足的樂句多由木管樂器來演奏，令一班樂師有一展身手的機會，總的來說是很不錯的Shostakovich。

觀賞場次為7/9(Fri)

約道柒號劇場（二）俄國餐

「阿仔啊，我今日特登叫左個俄羅斯大使館個大廚過黎，今晚食俄國菜！」唐媽笑笑口咁走入地牢，唐唐也是手拿一杯酒，坐在梳化對著八十吋大銀幕來看新聞，一旁坐著又是唐太。

「奶奶啊，今日有咩咁好興致食俄國菜啊！」輸錢家嫂笑笑口問。

「你肯定冇留心睇新聞啦！」唐唐親暱地抱一抱老婆，唐太見奶奶在場，有點不好意思：「咦～奶奶係度啊～」

但唐唐不理會，淫淫笑道：「咪就係班細路坐左係金鐘幾日，日日『梁振英下台』、『梁振英下台』咁叫喎！俾啊爺聽到都冇曬fa屎！重好意思去俄羅斯開鬼咩會？我地啊，緊係要食番餐俄國菜賀一賀佢啦！」

「唔怪得你今日唔開紅酒，飲枝Smirnoff嘅Vodka！老公你真係精姐！」唐太又一付扮明咁嘅樣。

唐太聽到隻鷹，又加把口：「個隻野呢，就本來想去咩鬼符咩托市去見啊爺，一早預備曬D鞋油啊去擦鞋，點知國民教育個單野燒到依加，鞋又擦唔成，日日係政府聽班細路叫自己『下台下台』，對住佢班『靚』，個個鞋口鞋口咁，陰公囉～我都登佢可憐啊～」

「阿媽，哩D冇話陰公唔陰公嘅！都係個句，個隻鷹爭食屎冇人阻到佢。拿，唔只班八十後，隻鷹呢，「剛愎自用」加埋「勇往直前」，最終又咪係車毀人亡！一陣呢，D人過幾日選曬班泛民議員入垃圾會，班保皇輸到仆直，擦鞋？連擦啊爺屎忽都唔掂啊！不過呢，唔好搞到田公子佢地兩個就得加啦。」唐唐恥笑之餘，也幫平日班酒友講說話，真夠老友。

「奶奶啊，今日咁高興，不如開埋罐Beluga Caviar出黎囉！」

唐唐喝了幾口Vodka，略帶醉意，但興致正高，正欲站起來高歌一曲：「點只啊，要好似個時啊胡總咁唱番兩句：『但願從今後～你我永不忘～CY仆街的晚上～』」

看到唐唐忘我演繹，唐媽和唐太不禁拍掌叫好，唐媽見差不多開飯，便說：「阿仔我都話你醒啦，連歌喉都好過個隻野！D報紙佬話佢只識『語言偽術』，阿仔你就唔同呢，又識得聽音樂，唱歌又唱得咁好聽！好！剛好夠鐘食飯，我地就食埋佢個份俄國餐！」

畢業相

（上年畢業禮時寫的，現在看來也好像有點意思）

不知怎的，畢業禮的當天，每逢遇到認識的人，都總想拍個照，留個念。

可是一起拍照的人，每個是非常非常要好的朋友麼，老實說一定不是。

合照完罷，互相交待一下近況，道了個別，

有幾多個真的會再見？

也許餘下的這輩子都不會和他或她碰上面，至少，也不會忽然想起這個人。

也許，只會在舊同學的聚會中偶爾聽到：

「ＸＸＸ最近好像轉了新工作。」

「ＸＸＸ不是結婚了吧？」

「ＸＸＸ生了兒子呢。」

「ＸＸＸ病死了。」

就只不過是那三年，曾經於同一所學校生活，也許曾經講過幾句，曾吃過一次飯，

就這樣在畢業禮那天碰了面，留下了照片。

這也算是一種緣份，以後老死不相往來，也許是緣盡了。

但是，話可不能說得那麼死。

畢竟剛找到的新工作，我坐的那個位子上，

三點鐘和十一點鐘方向分別是我soc camp的組mate和組媽，

五點鐘方向的兩位，上一屆和同屆同系的同學各一，

我還和那位麻煩得黎都幾有趣嘅莊員作了一個星期同事。

有句話叫山水有相逢，

也許會在十年八年後，偶爾在街上碰了面的話，

你會和我打個招呼嗎？

方興未艾與明日黃花－聽C.P.E. Bach - Concerto for Harpsichord and Fortepiano in E flat major

當「Bach on piano/harpsichord」在廿一世紀的古典樂壇，已不再是一個問題，而只是一種觀點與角度時，演奏巴哈已經沒有絕對的對或錯，而是建基於藝術家與聽眾的個人口味。可是從羽管鍵琴到現代鋼琴這個鍵盤樂器演變和轉接，在古樂運動興起之前，對這一點未有太多的關注，即使現在Period Instrument和現代樂器的演奏已成分庭抗禮之勢時，但能夠生動地呈現樂器發展「流動」的歷史感，無論是唱片或者作品，恐怕並不多了，即使有也難以進入主流，但這首C.P.E. Bach晚年的作品，便是其中之一。

這首作品是偶然從一張Reinhard Goebel與Musica Antiqua Koln演奏的唱片中聽到（DG Archiv 471 579-2），當時便驚訝於作曲家的神奇構思－－將兩種音色各異的鍵盤樂器放進同一首作品當中，折射出來的意義，比起作品本身也許更大。J.S. Bach也好，Haydn也好，為鍵盤樂器而寫的協奏曲，都是寫作"Concerto for Keyboard in......"，Keyboard一詞顯得很模糊，可以是Harpsichord、Fortepiano（古鋼琴）、甚至是龐然巨物的Organ。但這首由巴哈的次子C.P.E.作於1788年，亦是他去世的那年，正是主音音樂抬頭的時代：聲部已完全分工成旋律與和聲，複音已經成為作曲技術而非潮流。而古鋼琴這種能夠控制音量微妙變代的樂器亦應運而生，透過機械上的進步能夠將按鍵的強弱（即所謂Forte和Piano的本意）反映在音符中，來展現出旋律與和聲聲部音量的對比。

而複音音樂強調各個聲部都是獨立的旋律，所以羽管鍵琴大小均一的音量就與複音的主張相符，清晰地表現樂曲中的各個聲部，然而巴洛克時代早已一去不復返，羽管鍵琴除了聲量方面開始不及外，更重要的是無法做出細微的強弱效果，這件樂器已顯得不合時宜。所以C.P.E. Bach將這兩種各有代表、亦無可取代（以發展完熟的現代鋼琴代替古鋼琴，就失卻了作品中的實驗味道及更替意涵）的樂器放在一起，如新舊思維的交碰，可謂啟蒙精神的另一種呈現。

談回作品本身，雖然我們聽不到兩種鍵盤或和樂團呈現強烈的對抗意味（某程度上浪漫派之後的協奏曲，都具有一種獨奏者與樂團的競奏意味），不過這個時代局限並無損作品的價值，兩種鍵盤呈現一種良性合奏，你來我往似的一來一回，誰也沒有勝過誰。當然我們也偶爾聽到古鋼琴呈現出一種立體的強弱對比，但羽管鍵琴也恰如其分的偶爾擔當數字低音的部分（他老爸著名的Brandenberg Concerto No.5中，羽管鍵琴又是獨奏又是數字低音的一員）。曲中的兩者恰如其份發揮著各自的能力，這亦是作曲家的獨特意念，我們也應當為這首音樂史上獨一無二的曲子，驚嘆老巴哈的兒子C.P.E.的獨特才華。

約道柒號劇場（一）開學

「嘩，老婆你睇，有成萬人同啊CY開年喎……啊唔係，係開學至真！」唐唐坐在今年六月到意大利散心時訂造的真皮梳化，一邊指着家中八十吋的電視銀幕，一邊抱着唐太看即時新聞，笑得差點連口都合不了，除了喝上一支又一支82年lafite之外。

「老公～我都話你係最醒目！選舉個時係度扮蠢、扮小男人，等D人選CY，計我話你先係最MAN！」平日只喝一點便醉得不醒人事的唐太，一邊幫唐唐斟酒，也不忘淺嘗了幾口。

「挑！香港人有幾難搞姐？有樓住、有錢搵、有飯食咪搞撚掂囉！你俾到佢地，咩都搞得掂啦！最難搞個個？」唐唐指了一指地牢上面的泳池。「咪就係啊爺囉屌，上到去又咩搞掂港台、又推咩國民教育咁，唔係屎都唔俾我食，點知有隻鷹出黎爭住食屎，咪俾佢做飽去囉！」

「最估唔到就係，佢好似你咁，竟然連老婆都擺埋上枱！真係好學唔好，學埋你D衰野啊衰佬！」都幾十歲人的唐太在撒嬌，其實都幾難頂。

「今日咁高興，唔好開82年lafite黎飲，哩排日日飲都飲到厭。Vicky！」

「唐生有咩吩咐？」開夜班的女秘書Vicky問。

「同我係酒窖度，攞左第十二個櫃F行第三支酒！」

「嘩，衰佬！前個年你攞左成三百萬投番黎，個時都未同你計啊！」

「今日高興嘛老婆，咪開支Chateau Lafleur Petrus 47年嘅珍藏囉！個陣三百萬不知幾抵啊！個陣我咪係巴黎送番一套LV袋俾你囉，DY2383款啊嘛！隻隻色都同你買齊曬啊！」此時Vicky拿來紅酒。「幫我開左去。」

「你知我唔飲得加老公……」唐太含羞道。

「老婆，難得CY又仆街喎，一定要勝嘅！CYCY，仆街仆街！啊，連韻都押埋喎！老婆你話抵死唔抵死啊！」唐唐面上有三分醉意，攞番平日拿來撩女嘅爛GAG黎講。「干左去！」

再多喝了兩口的唐太，此時已有點神志不清：「老公你高興……我咪高興囉……」說完後便醉倒在唐唐懷中。

「你個Vicky企係度做咩啊？重唔快D扶唐太番入房？」唐唐鬧着鬧着，好像記起了一些事，待Vicky送了唐太進房後便說：「Vicky你幫我係半島book間豪華套房，依加嘅，一陣話俾我知咩房號。」

待Vicky走到一旁打電話時，唐唐亦打電話俾何生個女Polly，開口便是一堆甜言蜜語：「Polly bebe，我好掛住你啊！不如我地一陣係半島見下面，飲下紅酒囉！」唐唐忽然蓋着手中的電話，一轉身便問Vicky，口氣好像換了一個人似：「幾號房啊？聽唔清楚啊！1609號啊！」

「Polly，你一陣上去1609號搵我就得啦！」電話中的Polly一口答允，唐唐紅粉緋緋的臉上再添幾點春風，更忘我地親了一親電話：「吮卜！抵錫，我重特登為左你開左支Chateau Lafleur Petrus 47年嘅珍藏啊……」

談談《卡門》

（今年「法國五月」看過《卡門》的感想，場次是12/5晚上）

剛看了香港歌劇院的《卡門》，不如說說這套我最喜歡的歌劇。

記得Year1的一份功課，剛好題目是「文學與藝術」，便選了小說和歌劇《卡門》作對比，還就此寫過一份paper，那時還作得挺開心的，present時還拿了張highlight CD，放了一些歌劇片段，特別是今晚演出中最精彩的第四幕，雖然當時應該是悶死一大票的人。

那時還很認真地看了一遍法國小說作家梅里美(Mérimée)的原著，雖然現在提起《卡門》通常會想起的是比才(Bizet)的歌劇，不過看原著還是有好處的，就是知道歌劇加了點點什麼，相比起歌劇實在簡潔得多，特別是Carmen/Micaëla和Don José/Escamillo的兩對角色對比(鬥牛士在原著中只是草草帶過，戲份極少，而Micaëla更是原著所無)，戲劇矛盾更加突出，而且原著小說相比起歌劇，更為黑暗、暴力，走私過程的描寫亦頗為詳盡，但歌劇一一刪去，只用對話交代，節奏明快之餘亦更集中四角關係的主線。不過《卡門》本身是在喜歌劇院首演，而事實上歌劇中亦有比較娛樂性的部分，好像開首街頭小孩的童聲合唱、走私者的五重唱等等，雖然《卡門》首演以失敗告終，而比才亦因此大受打擊而病逝，但我覺得《卡門》可貴的地方在於娛樂和嚴肅之間的完美平衡，既有鬥牛士之歌的歡愉狂喜，亦有Carmen面對死亡威脅，依然義無反顧地對自由的渴望和追求，亦對照出Don José的滿身束縛。

談回今晚的演出，雖然演Carmen的Rinat Shaham登場時唱Habanera那段我覺得尚未到火喉，最近上的高音有點乾，但到了第四幕簡直是發揮得淋漓盡致，將多次拒絕Don José的決絕和寧取自由而無視生命，無論是唱與演(Carmen本身這個角色要求唱做俱佳)均是入木三分，我還留意到當Don José跪地扯著Carmen不放時而Rinat Shaham推開了演Don José的Jean Pierre Furlan時，Don José的雙膝剛好壓著Carmen的長裙，而Carmen便一下子拉起長裙，更揚起了地上的紅玫瑰，這個細節營造出來的效果和畫面教我難忘，不知是否有意為之，還是突如其來的一筆？

至於兩位男主角大抵也相當不錯，而Jean Pierre Furlan在第四幕中瀕臨瘋狂時，有如一隻蠻牛胡亂撞牆，這個也是很棒的一個細節，對照著鬥獸場內場外，Escamillo的勝利和Don José的失敗人生，他就有如一隻鬥獸場內被鬥牛士「鬥」死的牛一樣。不過唱Micaela的Isabelle Cals我就有點意見，怎麼說呢？她的聲音很棒的，但好像有點過「厚」了，如果是唱Verdi或Puccini(Tosca?Aida?)就很適合，但還是覺得她表達不了Micaela的純潔和天真，畢竟Micaela和Carmen的對比也需要歌唱家的表現去支撐，這個就有點不足了。

另外還有點小瑕小疵想說說，第四幕最後Don José刺向Carmen時，背景鬥獸場的門開了而Escamillo在擺了一個勝利但看起來很別扭的姿勢，有些觀眾還笑了出來，但當時是全劇最沉重的地方啊！真想問導演為什麼要這樣呢，其實鬥牛士最後亦不一定現身，反正比才的音樂已經清楚地交代了他的勝利，場外的悲劇亦伴隨著場內的歡呼聲而更顯戲劇的張力。另外開首我自己也很喜歡的童聲合唱，小孩子也唱得太快，樂隊差點跟不上，不過童聲合唱團比較難控制也可以理解，而上海來的樂團亦算稱職，可是大劇院的音效太「乾」了，而且樂團放在樂池，比才筆下不少的優美劇樂就有點打了折扣。但總體來說，整晚也是很好的演出。

回家的時候在想，如果Don José沒有遇上Carmen，他應該會和村姑Micaela快快樂樂地生活下去吧？不過「男人不壞，女人不愛」，但Carmen也可說是「女人不壞(當然是有姿色的)，男人不愛」？但在現實生活中，平庸的Don José和Micaela總有千千萬萬個，大概最後也會有一個幸福美滿的婚姻，但一出場就已經光芒四射的Carmen和Escamillo就顯得獨一無二。那就只能怪Don José倒楣，讓他遇上了萬中無一的Carmen，成為九千九百九十九個幸福家庭外的失敗男子。某程度上Carmen亦因為要對抗被Don José的束縛而死於他的刀下，也是命運使然，這正正不就是整套歌劇的宿命論調嗎？

本來還想再談談六十年代葛蘭主演的《野玫瑰之戀》電影的註釋，不過太晚了，那就只好擱筆，有機會遲些再談談吧。

「你愛國家，但國家愛你嗎？」－－紀念馬思聰百歲誕辰

（現在慢慢將Facebook寫的舊文轉過來，這篇是寫於今年五月初的。）

「我是音樂家。我珍惜恬靜、和平的生活，需要適宜工作的環境。況且我作為一個中國人，非常熱愛和尊敬自己的祖國和人民。當然，我個人所遭受的一切不幸和中國當前發生的悲劇比起來，全是微不足道的。『文化大革命』在毀滅中國的知識份子。去年夏秋所發生的事件，使我完全陷入了絕望，並迫使我和我的家屬成了逃亡者，成了漂流四方的『飢餓的幽靈』。如果說我的行為在某種意義上有甚麼越軌的地方的話，那就是我從中國逃跑了……」《我為什麼離開中國》－－馬思聰，1967年。

今天是「中國小提琴第一人」馬思聰（1912－1987）的百歲誕辰。

馬思聰這個名字，也許大概只局限在音樂圈子內，才有人在乎。很可惜這幾天翻遍報紙，香港偏偏只有《文匯報》，才有馬思聰百歲誕辰的特稿，其他報章似乎隻字未提，非常可惜。無奈我只能略盡綿力，在僅有的空間中，寄託我對這位大師的敬意和哀思。

提起馬思聰，通常也離開不了《思鄉曲》吧！對，這首曲子用「百聽不厭」來形容也不為過。以民歌素材來創作的樂曲，在西方久已有之，但思鄉曲的旋律和寄託的思鄉情意，總是瀰漫著一種中國味道。更令人深思的是，馬思聰的後半生，亦和《思鄉曲》緊緊契合在一起。

火紅年代中國的知識份子，特別是他們留在的「新中國」，當年的1949，是充滿希望的年頭。而接下來的二十多年（又或者到了現在），彷彿注定是劫難重重，馬思聰也不例外。大家就算不懂馬思聰，也大概可以想像到接下來的一大堆政治運動，是如何「毀滅了中國的知識份子」，這堆滿腔熱血的青年們，就這樣跌進歷史的巨輪當中。

馬思聰是幸運的，也是不幸的。

他「很自然的」在文革受迫害，那種是我們新世代無法想像的苦難，是肉體上也是心智上的劫難。在最後，一個一個渴望以自己的知識或學養來報答國家的，不是過早地結束自己的生命，便是煙沒於各種「運動」當中。

馬思聰「離開」了祖國，離開是粉飾了的字眼，實際亦只有逃亡，才能離開那個瘋狂的國度，到那個所謂的自由之邦－－美國。他在故國中成為了「叛國投敵分子」，家屬亦受株連，慘淡收場。

很可惜，到今天我們還看到逃離的身影。不，那不是什麼知識份子「挾洋自重」，而是不得不離開，他們渴望報效、貢獻的國土。

去國二十多年，大概只有在《思鄉曲》中找尋馬思聰對故國的懷念，即使這曲是他在抗戰時期的創作，依然能夠印證到他下半生的命運。後來他也曾回到寶島台灣演奏，可是他依然沒有踏足神州大陸，根據各種資料，也可見即使身在異鄉，依然對祖國魂牽夢縈，可是畢竟在種種經歷過後，他對這片故國依然還有保留和懷疑。最終在1987年，一次手術失敗，這位「中國」藝術家就這樣客死異鄉。

對，2007年，馬思聰和夫人的骨灰運回家鄉廣州，葬於白雲山腳下。

可是，他晚年依然一步都未有踏進祖國的土地。

馬思聰曾經講過：「我要把每一個音符獻給祖國。」那時候的「祖國」，需要你的「音符」嗎？容得下你的「音符」嗎？

可是，到了現在，馬思聰的命運一直再重演著。

7-5-2012

《思鄉曲》