娥妃傳（三）

慶豐九年三月，宮中處處升起爐火，正趕著焚燒衣服鞋襪。

「娘娘，儀妃娘娘……係時候要燒咗去了……」申文宮中，儀妃手下宮女凱茵正喚著她的主子。

儀妃此時坐在床邊，久久不語，凝視著那幾條英吉利公司搏百利出品的格子羊毛圍巾。「十幾二十年前了……」儀妃獨個的唸唸有辭，想到她因為弄了個掃把頭，犯了宮中忌諱，被皇上放逐到美利堅三年的日子，跌在圍巾上面嘅雪花，到如今依然歷歷在目，彷彿還未有消去。「那時在美利堅，就係哩幾條羊毛圍巾陪我過每一個冰冷嘅晚上……」

凱茵在旁一再催促，「儀妃娘娘……唔好再等啦，萬一俾娥妃嘅人見到哩幾條圍巾，捉住痛腳就麻煩了！」

忽然，儀妃心起怒火，起身一巴掌打向凱茵：「你個廢物收聲呀！上次就係你話洋人幾年前進獻個批洋畫犯咗天條，搞到唐家公子一身蟻，你知唔知佢花咗幾多銀兩先擺平哩件事！」

儀妃一把拿起那幾條寶貝圍巾，雖然知道當年連自己的掃把頭都保不住，這幾條圍巾應該也避不過付之一炬的命運，但她始終捨不得，只好拿宮中的人出氣。「你個賤人呀！唔好以為自己俾班閹人講兩句『忠誠嘅廢物』，就衝出嚟自作聰明表忠心，你由此至終都係一個蠢才嚟架咋！」

「娥妃娘娘到！」宮外閹人通傳。

「唉呀，乜姐姐你咁好賞賜俾奴才幾條白綾…呀唔係…係羊毛圍巾至真！」娥妃一臉得意，伸手摸了一摸儀妃手上的圍巾，假惺惺的讚嘆道：「嘩！哩幾條搏百利嘅羊毛圍巾真係好靚料喎，我睇買返嚟都唔只幾千兩銀啦。」

娥妃望向與她同樣身穿準噶爾棉花所製旗服的宮女藥華，皮笑肉不笑道，「之不過咁，個班洋人詆譭我大清準噶爾出產嘅綿花，我地身為大清人當然唔吃哩一套啦，要燒曬佢地嘅織品先啱。我勸姐姐你都係快快地處理咗去啦！到時俾其他人發現，俾人話你通番賣國呀！」

儀妃收起怒容賠笑道，「都係多得妹妹你嘅溫馨提示咋！話曬我地都係大清嘅人嘛！」然後雙手將那幾條如珠如寶的圍巾狠狠地撕開兩半。

聽到那幾塊圍巾撕裂之聲，娥妃不禁哈哈大笑起來：「撕得好撕得妙！我都係唔阻住姐姐你，妹妹我都係回宮先啦，要小心睇吓會唔會有漏網之魚呀，要將洋鬼子嘅鞋襪織品一網打盡通通毀掉！」伴著「哈哈哈哈……」的笑聲，娥妃一干人等絕塵而去。

等到申文宮中只餘儀妃和凱茵等奴才，儀妃望向已撕開兩半、不成形狀的搏百利格子羊毛圍巾，狠狠地一手掉到地下，身邊奴才們通通跪下，「娥妃你哩個賤人！我要令你不得好死！」

（完）

娥妃傳（二）

大鵬宮外，喧鬧聲震天。

正當內朝眾臣以及內廷各房紛至宮中等候聖上前來，領著一批下人的娥妃也從禮賓宮趕來：「大鵬禮賓一南一北，實在行死人，不過遠也不打緊，只要見到皇上，自然就可以得蒙聖寵。」正當娥妃一行欲穿過大鵬宮門，站立一旁的薛公公擋在門外，必恭必敬的一叩：「娥妃娘娘吉祥，娘娘想參加大典是嗎？」

娥妃沒想到竟然有奴才敢阻其去路，本想大罵「好狗不攔路」，但見到來者是敬事房總管太監薛公公，便連忙把咒罵說話吞回肚中，擺出一副客氣樣子：「我以為係邊位，原來係薛公公，唉呀，點敢勞煩公公你親自迎接本宮呀。」

娥妃想到薛公公乃皇上身邊紅人，還是巴結為妙，就向小衛子使個眼色，小衛子便拿出三十兩銀子，娥妃接過後便遞向薛公公，裝腔作勢討好一番：「公公有禮呀，我禮賓宮手下嘅一班奴才如果有咩得罪公公你嘅，還請公公你海量汪涵、多多包容！」

薛公公一邊說「娘娘咁厚禮，小人受唔起呀！」，一邊將銀兩推回娥妃，不過，娥妃也知不過是薛公公口裡說不，便再將銀兩遞向他，誰知薛公公連再客套一下都省去，旋即將銀兩捲入囊中。

「不過就咁嘅呀娘娘……」薛公公面有難色，向娥妃道，「皇上有旨，話娥妃娘娘只需要在大鵬宮外站立參與大典即可，遠距離感受一下皇上嘅恩澤，共享做大清子弟尊嚴同榮耀。宮中亦設有回音壁，自可感受聖上玉音傳來，金科玉律，重係栩栩如生架。」

「咩話，你話皇上叫我走埋一二邊去面壁？」一聽薛公公所言，娥妃頓時滿臉鐵青，心想連月來受盡宮中眾人冷眼，步出禮賓局外，在各房太監宮女眼中只是過氣貴妃。等到大鵬大典終於受傳召，有機會俾主上臨幸，共赴巫山雲雨一番，打場翻身仗，誰料先日的種種圖謀竟化為泡影，加上薛公公收了銀子卻在阻頭阻勢，心有不忿，再也忍不住怒氣大罵，「狗奴才！皇上宣本宮來參加大典，自然會傳召本宮承恩，你班狗奴才係咪有心阻住本宮，假傳聖旨？」

薛公公畢竟也是皇上身邊紅人，加上自恃皇上旨意，聽到娥妃大發雷霆，也不會如禮賓宮中的太監宮女般一聽到大人張口斥責便跪地求饒，只緩緩道：「娥妃娘娘息怒呀！奴才並無半句虛言。」再向娥妃低語，「娘娘日前赴暢音閣觀洋樂相當熱鬧，奴才都略有耳聞。只不過咁喎，後來奴才聽昇平署嘅人講，話當中嘅洋人外學出咗事情，至於咩事情奴才都係不便明講，假如此事鬧大，娘娘恐怕難免會遭到牽連……」

娥妃一聽臉色由怒轉懼，薛公公一見，心知已抓住娥妃把柄，暗地冷笑一聲並說，「奴才有個小小提議，娘娘可以同禮賓宮諸位係大鵬宮外傾聽聖上玉音之時一一抄寫，等奴才可以向皇上稟報，話娘娘幾有皇上嘅心，將皇上治國理政嘅宏圖大略時時刻刻記在心頭，抄寫後回宮也將之視為重中之重，日夜背誦，更勝洋人日前進供嘅留聲機！」

娥妃自知已無別路，只好順從薛公公嘅意思，強顏歡笑道，「咁就勞煩薛公公你幫忙張羅紙筆啦……」宮中眾人陸續魚貫進大鵬宮參與大典，只餘娥妃與一眾奴才赴宮外的回音壁抄書，莫說承歡主上，連皇上一面亦未得見，其慘情之貌，可謂「可憐之人必有可恨之處」。至於大典種種，均為例行文章，不值一表。

娥妃返回禮賓宮途中，一言不發，眾奴才心知不妙。果然，一返回宮中，娥妃便關起大門，大罵一番：「你班狗奴才又壞本宮嘅好事，由其係你呀小偉子！」娥妃一指，小偉子連忙叩頭，幾乎叩出血來，「叫什麼洋人教習來奏洋樂，皇上早已講明，不照搬西方國家的那一套，奏我大清嘅樂音、歌頌聖上萬福金安、爹親娘親不及聖上親，就萬無一失，現在搞出事情，還被薛公公抓住把柄，實在氣死本宮！人來，同我賜哩個狗奴才白綾！」

正當小偉子連聲求饒，門外忽然傳來一把聲音，尖酸刻薄，猶勝娥妃，「唉呀，妹妹！死死聲唔係咁好聽嘅！再開口埋口話要處死啲太監宮女，冇人再會嚟禮賓宮侍候你架啦！」

欲知此人是誰，請看下回分解。

娥妃傳（一）

禮賓宮外，陣陣風聲。

小衛子氣沖沖地走入宮中，向主子報喜訊，「娥妃娘娘！奴才打聽到皇上過兩日會親臨大鵬宮，想必一定會翻娘娘你嘅牌子呢！」

「好呀小衛子！皇上終於想到本宮啦，想到皇上舊年係濠鏡宮賞賜誠妃嘅時候，實在恨死隔離，半夜三更重叫本宮去訓話，真係氣死人！」娥妃安坐宮中聞得吉報，一下子喜形於色，奴顏媚骨盡出。

「不過，好在皇上月前賞賜《各安天命》御筆，足證皇上仍念昔日舊情，本宮向其早請示晚匯報，時不時歌頌禮讚，迎難而上，哩次重感動唔到皇上？」

娥妃說罷望向禮賓宮內一眾奴才，小宗子、小波子、藥華等太監宮女見到主子反應甚為激烈，不禁面面相覷，生怕講錯一句，動輒得咎，只好唯唯諾諾：「恭喜娘娘！」「賀喜娘娘！」「皇上聖鑒，一定睇到架！」

「雖然本宮採購唔到美利堅嘅胭脂水粉，但係唔緊要，只要我地心入面有皇上，時時為大清領土完整着想，終會得蒙聖寵！」娥妃轉念一想，時時向其冷言冷語嘅姐姐儀妃如今已被打入冷宮，就算靠身穿旗裝留倩影都未能翻身，不禁嬌嗔一聲偷笑，「呀！」

禮賓宮奴才之首小宗子見娘娘狀甚興奮，還是忍不住提醒：「之前娘娘你答應立及寺嘅主持，話會抄寫經書為香江作福，如今離交經之日只有兩天，如今恐怕未必趕得及呀。」

娥妃一聽，頓即大怒：「混帳！你哩個狗奴才跟隨本宮咁多年，如今孰輕孰重竟然分唔清？」小宗子即刻跪下叩頭認罪，響頭聲幾乎傳遍整個禮賓宮。

「皇上赴大鵬宮宣旨，字字珠璣，一句頂一萬句，而且有咗皇上為香江加持，抄嘅經書特別見效，點可以唔加埋皇上過兩日嘅金口玉言呢？」說罷，娥妃轉嗔為喜，含春一笑，「皇上一定會翻本宮嘅牌子，如有幸喜結龍種，到時重唔聲價十倍！哈！」

「小宗子唔使再叩頭啦，念在你多年苦勞，有頭髮做到無咩頭髮，你就將功抵過，係本宮承召之時，你就留守禮賓宮抄經，退下吧！」娥妃手一揚，小宗子立時大呼「謝娘娘恕罪，謝娘娘恕罪」，便躬身離去。

「人來！扶本宮入房！」娥妃起身，邊走邊問藥華：「你話皇上喜歡上個月廣儲司送過嚟個件紅色旗袍，抑或藍色個套呢？」

「娘娘你著咩都咁合皇上心意架啦，邊套都咁靚，不過依奴才愚見，紅色睇上嚟喜慶啲，而藍色呢就…」

藥華話未說完，娥妃已自個兒在默念：「紅色夠喜慶呀……紅色好呀……全國山河一片紅……好意頭……好……好……」

（完）

約道柒號劇場（十一）紐約

正當香江搞到一鑊泡之際，枱面上都叫做第三號人物嘅薯片叔叔，竟然人在New York。
「New York～New York～」一邊哼著歌走進屋的薯片叔叔看來心情大好：「估唔到你係Manhattan有座行宮喎，成塊落地玻璃睇到曬成個Wall Street同Brooklyn Bridge，哩度比起約道個邊咪重過癮！」
「話曬一場老友兼舊同事喎，剛好我又係New York，唔通唔招呼你上黎坐下咩？」屋主不是別人，正是有福之人唐家公子。
「睇你平時咪收埋啲囡囡係到風流快活！黎，俾啲好野你！」薯片叔叔將一物拋向唐，唐接住後才知道是一筒薯片。
「咁直腸直肚唔搞語言偽術，唔似你老細喎。」唐唐潤一潤在所難免，然後便打開薯片試吃，「人地叫你薯片叔叔真係冇叫錯，咁鍾意食薯片，你就應該講食少啲費事又入廠……唔……『習習習』……哩隻新野喎花生味！」
「講起689就扯火啦！」薯片叔叔面色一變、一臉不忿道。
「唔係嘛，你老細喎？」唐唐有少少串向扮無知地問。
「『佔中』單野本來搞幾日就等散水啦，點知個條仆街落order向班靚仔放87粒催淚彈，谷到更多人上街，搞到連奶媽放緊假都要急call番黎香港同佢揹鑊，一陣重搵班字頭拆喎，你話死唔死喎！」薯片叔叔越說越氣惱，也一把一把的吃著花生味薯片。
「你唔係唔知我架，呢鑊佢仲唔冚家鏟！我都唔係第一日同你講架啦薯片叔叔，涼粉咩色架？咪黑色囉！」
「最弊我唔係涼粉嘛，佢成班爛鬼師爺，好似飯焦啊咩志剛同佢諗計，重話想開槍喎，搞到連隻離種都話屌到佢上天花板。好彩我剛好有個美國trip，幾大都走左先啦，唔洗對住條友同個局！」說到此處，薯片叔叔心情變好，「習習聲」起勁地吃著薯片。
「咁又係啊，嘩見你又去New York又去Boston，起碼都十日八日，點都食番隻龍蝦先走。」唐唐的話題都總會提起享受人生，「隻狼下下都叫奶媽搞掂蘇州屎，依加連影都冇埋，幾日都扮拉登『電視講話』治港，衰過你寫blog治港喎。不過你又係啦，臨走都要寫篇抽水，話咩推倒『城牆』，係咪意有所指先？」
「屌，講呢啲！」薯片叔叔尷尬地笑著，「不過佢今日冇出片喎，澳洲個邊又爆埋佢涉貪單野，反而我想知唐政協你有冇收到上面咩風聲，係咪上面放啲黑材料出黎啊、定係佢俾中紀委『雙規』左，搞到今日連片都拍唔到。」
「冇喎。佢唔係你老細黎嘅咩？咁你都唔知？」唐唐大笑問道。
「你唔係唔知條友小氣又記仇，除左班黑底涼粉之外就冇朋友加嘛？計我睇黎，好快上面又放幾單黑材料，佢好快就好似董伯伯咁『腳痛』啦！」
「你咪高興住喎，隻狼走左，一陣都可能係奶媽頂住先，你就做奶媽個位。嘩！成堆茂波啊克儉啊禿鷹，點湊啊？」
「屌，到時我重唔炒撚曬佢地，到時真係爽皮啦！」薯片叔叔立時起身，唱老歌跳老舞：「Start spreading the news, I am leaving today, I want to be a part of it, New York～New York～ 」
「黎黎黎，我開左支87年嘅好野，配你哩隻花生味薯片零舍香口，我地為隻狼鷹早日身敗名裂乾杯！」「勝嘅！」

約道柒號劇場（十）公關

話說哩晚唐唐一邊等著睇德法大戰，一邊飲杯紅酒，一邊食緊花生，說時遲那時快，田大少同大龜兩個老友早早就到左約道柒號地牢個私竇。
「睇你條友日日掛住飲紅酒食花生，因住收尾兩年爆血管喎！」田大少一見唐唐大口大口食花生飲紅酒便道。大龜走上前拿住酒瓶一看，笑道：「82年喎！今晚你因咩咁高興啊Henry？」
唐唐斜睨著兩人，略帶輕佻地裝模作樣：「嗱！田少，咁樣講就不單只顯露出你嘅淺薄無知，而且冷血、涼薄啦！事關多飲紅酒有益血管，花生營養豐富，食得多重長壽啲啦。」唐唐接著大龜遞給他的酒瓶說：「今日花生期貨升得幾快啊！又有大批韓國資金入貨，嘩！到左今晚，香港個班友又跟住高追，重唔賺到笑咩！你知唔知啊大龜，今期啲花生啊，食落口啖啖都有泡菜味啊思密達！」唐唐今晚興致甚高，竟忽然講起泡菜語來。
大龜笑道：「你咪話啦，嘩今日我聽到話個個雜種後生個時似咩『都教授』喎，真係笑死人！」
田大少插話笑道：「大龜你笑什麼？你又咪係韓國人！」
唐唐搖了搖手，指著大龜道：「嗱田少，你係唔係泡菜人我唔咁講，但我肯肯定大龜唔係韓國人。點解哩，你睇下佢成個阿基諾咁款，佢重唔係賓佬！」
大龜苦笑了一下，有點不忿，還嘴道：「Henry，啊唐太又咪似個個商台DJ！」
田大少頓覺講下去略帶火藥味，便順勢轉了轉話題：「唐公子你有個咁嘅老婆真係有福氣啦，同你食曬所有野之餘又得體，嘩，我今日係電視機見到689個老婆係度罵街，真係唔嚇死都笑死囉！」
唐唐聽到田大少提起狼妻，興致又來了，馬上乾了手頭那杯滿滿的82年，「哈」的一聲後說：「嘩我上個禮拜本來以為隻狼會食住個勢扮曬可憐撐個女，點知，嘩，佢老婆冇啦啦出黎發曬癲，七情上面走去罵個中大個教授話咩極之憤慨同遺憾喎，成個師奶劇個啲惡死後抵乸，好似差啲連記者支咪都想食埋，嘩，見到你咁都唔抵可憐啦下嘛？」
大龜道：「邊似你老婆個時出黎頂咁有公關伎倆啊Henry，佢有個咁嘅老婆真係冇得頂啦。狼妻重話自己唔係公關伎倆、亦唔係語言偽術喎，學佢個女話齋：my mother unfortunately doesn't have much of a brain！佢都冇腦嘅，點會有公關可言呢？」
田大少接著說：「一個冇腦，一個只係識啲lame PR stunt，明明你擺個女出黎玩家庭樂就係利用緊傳媒放料，有個咁惡屎能登嘅老母啊硬係籠裡雞作反啦，你又唔怪得人話你借個女玩政治公關show，狼毒咪一樣吃女兒！」
「怪唔得田少你前幾日走去左裝支大支野嘅香啦，原來係求神拜佛等佢就快香！」唐唐拿起手機點一下面書，便出現了田大少前幾日裝香個張相，接著唐唐放下手機和酒杯，似乎是用著特別的朗誦搖頭擺腦念道：「當我知道梁先生佢原來係一位地下黨員嘅時候，我不禁倒抽一口涼氣，我實在為香港市民，有一位咁樣嘅、所謂『特首』覺得擔憂。」更學似狼太在特首二字時舉手做引號手勢，田大少和大龜二人不禁笑倒。

約道柒號劇場（九）高招

在此多事之夏，早已貴為政協的唐唐一一置身事外，晚晚紅酒送新聞，不亦快哉。是夜亦然。
大龜早早由垃圾會退場，到唐唐私竇與老友一聚，見老友Henry一如已往手拿一杯Lafite細味品嘗，開口便鬧：「頂你今日垃圾會搞邊科，個粒屌那星食錯藥啊，都唔跟規矩監粗黎，咪俾班泛民食住上囉，又同啊鼠王『眉來眼去』，嘩大佬啊佢有冇重口味啲啊！」
趁大龜大吵大鬧之際，唐政協已不徐不疾倒了一杯Lafite遞給大龜：「黎黎黎，飲番啖87年下吓火先啦。成班地產佬新界佬都想食哩舊肥肉，但係又唔好意思大大聲話『我係囤地啊吹咩』，你睇下謬波係哩單野閃閃縮縮，依加監粗搞掂，話知你有幾撚多人示威，舊錢就肯定袋袋平安，話唔定今晚茂波就同班地產佬Happy緊啦，點止係IFC殘廁嘆coffee啊！」唐唐想起成班樣衰啊叔係度攬女，不禁失笑。
大龜亦笑道：「屌！你平時都攬唔少啦！」大龜頓了一頓再說：「話說回來，隻鷹哩次又去做左離岸特首，咁又俾佢過到，係唔係路啊？」
唐唐聽到689之名，驚訝地問：「大龜你唔知佢個女單野咩？」
「哦，狼女界刂手嘛，一陣又走去影全家福，Old News啦！」
唐唐搖搖手，嘆氣道：「你真係冇撚睇新聞，有報紙佬報出黎，話狼女爆料嘛！咁大單野你都唔知？」
「頂你我成日係垃圾會都冇好氣啦，重睇新聞？即係點啊屌？」
「佢話影全家福個主意係狼英嘅垃圾PR主意，成單野扮出黎，至於佢話佢好撚憎佢老母，界刂手都係因為佢喎。」
這時到大龜驚訝：「喂Henry唔似你喎，聽到隻鷹啲仆街野，你好應該幸災樂禍至係加，反而你今日反而只係開枝三皮嘅紅酒？」
「拿，計我話哩次隻鷹真係高招！」唐唐指一指播著新聞的電視，「兩單野個時間咁緊密，你都睇到啦，香港人最鍾意睇人仆街又八卦，依加佢個女籠裡雞作反，夠曬仆街同八卦啦掛？一個唔該，大家都放曬個focus落去佢個女，東北單野冇人理加啦。
「唔係喎，咁搞法隻鷹個image又仆直囉此其一，實際上佢重有好多步棋，第一佢可以話個女講嘅野係假，番香港個日隻鷹咪帶埋老婆仔女陷家富貴咁落機，成班好似『愛回家』咁，話依加年輕人亂講野亂發癲，依加個女終於肯認錯啦，一個唔該抽依加圍垃圾會個班靚仔，話應該回頭是岸，又可以告班傳媒，懶係道德咁，咁咪攞香港成班無知師奶嘅分囉，重驚咩七一啊？第二，佢可以話個採訪係真，然後過兩日番香港，就扮曬可憐咁屌班傳媒禍不及妻兒，咁反而build up番佢保護妻兒個image。所以我咪話隻鷹今次高囉，今次真係甘拜下風，我佢次賣妻都冇佢咁厲害。」
聽了唐唐一番偉論，大龜恍然大悟：「啊，聽Henry你一言，有如天花亂墜，將我點完又化，阿彌陀佛！善哉善哉！」

約道柒號劇場（八）而我

話說唐唐近日心情大好，自然約埋班酒友係約道柒號夜夜笙歌。哩晚大龜坐左係客廳個張幾皮野嘅真皮沙發，此時唐唐剛係酒窖攞左支1995年嘅Latour正想開黎飲時，不期然聽到大龜一個人攞住杯紅酒念念有詞：「I'm sorry and I apologise...」
「Sor咩撚ry姐，大龜今次你又得罪邊個黎？」唐唐一時不明所以。
「哈，唐唐你冇理由唔知哩單野喎，啊邊個邊個呢……」大龜一臉得意，欲待唐唐心領神會。
「乜野啊？頂你講D唔講D！」也許多喝了幾杯的關係，唐唐始終未解其意，不急追問下去。
「你睇住我個樣再聽啦！」大龜忽然用上唔咸唔淡嘅口音講起英文來：「I talked to the chief executive of the SAR - I'm sorry and I apologise, the name escapes me at this point in time……」
「啊屌你大龜！知你講邊單野啦，你條友真係成個阿基諾咁（註），話唔定你係赤鱲角落機D人重以為阿基諾黎香港道歉！」唐唐恍然大悟，不禁訕笑：「哩次唔荒唔『而我不知道』囉，真係堂堂元首重衰過個個歌星仔『的士陳』啊！唉啊佢哩D俾人當small potato，真係好撚難記得佢叫咩名喎！」
「個條賓佬本身都係條仆街黎加啦，今次佢真係連成個南海D海水都俾佢抽乾曬！」大龜笑淫淫的說著，簡直同阿基諾個衰樣似得十足十，「上次啊邊個邊個係峇里啊，重話想搵班賓佬講數喎，哈，班賓佬玩鳩佢都唔撚知，坐到成個下屬見上司咁，重要通曬天喎！計我話呢，哩D唔係咩經驗唔經驗，人蠢真係冇藥醫加！」
唐唐聽得興起，不禁裝模作樣起來，繼續扮作忘記了那人姓什名誰：「啊邊個邊個俾人話咩169定679話，真係冇話錯佢，靠佢就死得啦！件事過左一兩日，重話李克強走出黎幫香港人出頭，啊邊個邊個哩下都唔知係咪早有預謀，扮曬野俾位啊爺上就真！」
「屌！洗唔洗咁低裝啊！」
「哩D呢強國話就叫做『裝孫子（Zhuāng sūnzi）』囉！」唐政協不禁秀了幾口普通話：「啊邊個邊個先兩日上京面聖，剛好見埋啊郭金龍嘅時候咪話嘅，之前係峇里聽到習總發言獲鼓掌就覺得『非常榮幸、非常驕傲（Fēicháng róngxìng, fēicháng jiāo'ào）』。嘩頂你！真係on9肉麻當有趣，屌你老味好似以前成個紅衛兵咁，見到毛澤東就立即叫『毛主席萬歲』！」
「咪就係囉，屌你啊邊個邊個咁搞法，真係擦鞋都算唔上，直情舐埋鞋底囉！」
「計我話啊邊個邊個差D就好似個班奧運金牌機器人咁加啦，係唔係都講『謝謝黨謝謝國家（Xièxiè dǎng xièxiè guójiā）』。你睇下因咩解究係唔發牌俾王維基啊，咪就係哩個先進嘅共產黨員一見到阿爺唔多放心，就算佢班馬仔有幾唔同意，佢依然係一意孤行唔發俾。」唐唐頓了一頓再說：「你睇下，今舗搞到眾叛親離、個個都想跳船，特別係個李慧琼子只係剛好冇去開行會姐，就反咬啊邊個一口。哩個女人學以前D人話齋，真係『又要做老舉又要攞貞節牌坊』！佢哩兩日咪上北京嘅，我睇肯定係俾班雜總照肺囉！」
大龜舉杯笑說：「總之呢，發牌單野一日搞唔掂，班人日日係政總示威，啊邊個邊個就日日坐唔安食唔落，唐唐你就日日開靚酒，我地就日日飲得杯落！飲勝！」

註：http://orientaldaily.on.cc/cnt/news/20101214/00176_077.html