約道柒號劇場（八）而我

話說唐唐近日心情大好，自然約埋班酒友係約道柒號夜夜笙歌。哩晚大龜坐左係客廳個張幾皮野嘅真皮沙發，此時唐唐剛係酒窖攞左支1995年嘅Latour正想開黎飲時，不期然聽到大龜一個人攞住杯紅酒念念有詞：「I'm sorry and I apologise...」
「Sor咩撚ry姐，大龜今次你又得罪邊個黎？」唐唐一時不明所以。
「哈，唐唐你冇理由唔知哩單野喎，啊邊個邊個呢……」大龜一臉得意，欲待唐唐心領神會。
「乜野啊？頂你講D唔講D！」也許多喝了幾杯的關係，唐唐始終未解其意，不急追問下去。
「你睇住我個樣再聽啦！」大龜忽然用上唔咸唔淡嘅口音講起英文來：「I talked to the chief executive of the SAR - I'm sorry and I apologise, the name escapes me at this point in time……」
「啊屌你大龜！知你講邊單野啦，你條友真係成個阿基諾咁（註），話唔定你係赤鱲角落機D人重以為阿基諾黎香港道歉！」唐唐恍然大悟，不禁訕笑：「哩次唔荒唔『而我不知道』囉，真係堂堂元首重衰過個個歌星仔『的士陳』啊！唉啊佢哩D俾人當small potato，真係好撚難記得佢叫咩名喎！」
「個條賓佬本身都係條仆街黎加啦，今次佢真係連成個南海D海水都俾佢抽乾曬！」大龜笑淫淫的說著，簡直同阿基諾個衰樣似得十足十，「上次啊邊個邊個係峇里啊，重話想搵班賓佬講數喎，哈，班賓佬玩鳩佢都唔撚知，坐到成個下屬見上司咁，重要通曬天喎！計我話呢，哩D唔係咩經驗唔經驗，人蠢真係冇藥醫加！」
唐唐聽得興起，不禁裝模作樣起來，繼續扮作忘記了那人姓什名誰：「啊邊個邊個俾人話咩169定679話，真係冇話錯佢，靠佢就死得啦！件事過左一兩日，重話李克強走出黎幫香港人出頭，啊邊個邊個哩下都唔知係咪早有預謀，扮曬野俾位啊爺上就真！」
「屌！洗唔洗咁低裝啊！」
「哩D呢強國話就叫做『裝孫子（Zhuāng sūnzi）』囉！」唐政協不禁秀了幾口普通話：「啊邊個邊個先兩日上京面聖，剛好見埋啊郭金龍嘅時候咪話嘅，之前係峇里聽到習總發言獲鼓掌就覺得『非常榮幸、非常驕傲（Fēicháng róngxìng, fēicháng jiāo'ào）』。嘩頂你！真係on9肉麻當有趣，屌你老味好似以前成個紅衛兵咁，見到毛澤東就立即叫『毛主席萬歲』！」
「咪就係囉，屌你啊邊個邊個咁搞法，真係擦鞋都算唔上，直情舐埋鞋底囉！」
「計我話啊邊個邊個差D就好似個班奧運金牌機器人咁加啦，係唔係都講『謝謝黨謝謝國家（Xièxiè dǎng xièxiè guójiā）』。你睇下因咩解究係唔發牌俾王維基啊，咪就係哩個先進嘅共產黨員一見到阿爺唔多放心，就算佢班馬仔有幾唔同意，佢依然係一意孤行唔發俾。」唐唐頓了一頓再說：「你睇下，今舗搞到眾叛親離、個個都想跳船，特別係個李慧琼子只係剛好冇去開行會姐，就反咬啊邊個一口。哩個女人學以前D人話齋，真係『又要做老舉又要攞貞節牌坊』！佢哩兩日咪上北京嘅，我睇肯定係俾班雜總照肺囉！」
大龜舉杯笑說：「總之呢，發牌單野一日搞唔掂，班人日日係政總示威，啊邊個邊個就日日坐唔安食唔落，唐唐你就日日開靚酒，我地就日日飲得杯落！飲勝！」

註：http://orientaldaily.on.cc/cnt/news/20101214/00176_077.html

是日唱片：Haydn: Piano Concertos

5/10/2013

是日唱片：Haydn: Piano Concertos

Sebastian Knauer; Helmut Muller-Bruhl: Cologne Chamber Orchestra

早在兩三年前在Naxos Music Library聽過這張Haydn鋼協錄音，德國鋼琴家Sebastian Knauer明晰清新、不過分浪漫化的演繹頗令我印象深刻，終未覓得此片，得知此君將會來港與CCOHK夾Bach的兩首協奏曲，亦是期待。
結果Knauer在今天的演出送上粒音分明、乾淨利落、毫不拖泥帶水的鋼琴Bach，實是優良演繹，另在現場購得上片並索得其簽名，實在快慰。
查查資料，原來Sebastian Knauer和小提琴家Daniel Hope常搭檔演出和錄音，日後定必多加留意。